Кілтті сөздер
Дәйексөздерді қалай жазу керек
Аңдатпа
XXI ғасырдың басты жаһандық сын-қатерлерінің бірі – климаттың өзгеруі. Ол әлеуметтік-экономикалық дамуға елеулі ықпал етіп, мемлекеттердің саяси стратегияларын жаңа жағдайға бейімдеуді талап етеді. Климаттық факторлардың күшеюі көші-қон үрдістерін айтарлықтай жандандыруда. Дегенмен, халықаралық деңгейде климаттық мигранттарға ортақ құқықтық мәртебе әлі қалыптаспаған, бұл құқықтық белгісіздікті туындатады. 1951 жылғы Босқындар мәртебесі туралы конвенцияда климаттық мигранттар босқындар санатына кірмейтіндіктен, қазіргі халықаралық құқықтық тетіктер олардың құқықтарын толық көлемде қорғауға қауқарсыз. Қазақстан жағдайында климаттық алуан түрлілік пен кейбір аймақтардың экологиялық осалдығы ішкі және трансшекаралық көші-қон қаупін күшейтуде. Мұндай жағдайда климаттық көші-қон мәселелерін көші-қон және климаттық саясаттың ұлттық жүйесіне енгізу, сондай-ақ заңнаманы жаңа сын-тегеуріндерге бейімдеу қажет. Бұл зерттеу халықаралық тәжірибені сараптауға, қолданыстағы құқықтық олқылықтарды айқындауға және Қазақстан үшін тиімді шешімдер ұсынуға бағытталған. Зерттеудің басты мақсаты – әлемдік тәжірибені және қазіргі үрдістерді ескере отырып, мемлекеттік саясат пен ұлттық құқықтық базаны жетілдіруге қатысты ұсыныстар әзірлеу.